उल्हासाने नटलेले, क्रीडेने ते भरलेले,
खेळायाच्या रीतीमध्ये भाव-रहस्य ही दडलेले;
प्रेय ही आहे, श्रेय ही आहे,
जगण्याने हे सजलेले !
भावाने अन् बुध्दीने;
परंपरेतून खूललेले,
सूख ही माझे, दु:ख ही माझे,
जगण्याने हे सजलेले!
सातत्याच्या नवलाईने,
प्रेमाने अन् प्रसन्नतेने;
मनोमंथन नी मनोरंजनही,
जगण्यानेच सजलेले !
उत्कटता अन् उत्कंठेने,
तुलाच म्हणूनी तुलाच रे,
ईश्वरा! अर्पण करितो श्वासही माझे,
जगण्याने ते सजलेले !
No comments:
Post a Comment