“नको घाबरू !
नको बावरू !
नको फिरू तु मागे !
ऊठ ऊभा हो लढण्यासाठी,
मी सारथी तुझा रे !”
असे सांगतो भगवान, अर्जुनाला !
माझ्या-तुमच्यासाठी !
निश्चयाने त्या द्वंद्वांनाही जिंकूनी घेण्यासाठी !
असूरवृत्तीशी जे युध्द, नितदिन आपण करतो;
अपुल्यासाठी प्रोत्साहनपरं भगवंत गीता गातो !
जेव्हा पसरे भयाण रात;
मार्ग दिसेना ना वहिवाट;
अशाच वेळी हो मजबूत !
बुध्दीलाही राख शाबूत !
प्रलोभनास नको बळी पडू !
भितीने तु नको मरू !
तुझ्या तपाने;
ईश बळाने;
सार्थक कर तु कार्य महान;
अमृतपूर्ण तु नसे लहान !
जीवन सजवून घे हे छान !
असे सांगतो रे भगवान;
तुला नी मजला हे वरदान !
कार्य करून जेंव्हा थकतो ; ध्येय ही जेंव्हा विसरतो !
तेव्हा अपुल्यासाठी प्रोत्साहन पर भगवंत गीता गातो !
No comments:
Post a Comment